कात्तिक २०, डोटी
डोटी खबर
शिक्षिका जानकी खड्काको असामयिक निधनपछि परिवार र सहकर्मीहरू भावुक।
डोटीको पुर्वीचौकी गाउँपालिका १ तल्लो फुलौटकी २७ वर्षिय शिक्षिका जानकी खड्का को असामयिक मृत्युले परिवार,स्थानीय समाज, शिक्षाजगत र विद्यार्थीहरू गहिरो शोकमा डुबेका छन्।
मेहनती, अनुशासित र पढाइप्रति समर्पित शिक्षिकाको निधनले विद्यालय परिवार स्तब्ध बनेको छ। कार्तिक १० गते घर नजिकैको रूखमा झुन्डिएको अवस्थामा मृत फेला परेकी थिइन् जानकी । उनी बाजुराको बुढीगंगा नगरपालिका -५ स्थित भानोदय माध्यमिक विद्यालयमा गणित शिक्षकका रूपमा कार्यरत थिन् । उनले मृत्यु अघि लेखेको सुसाइट नोटले डोटी जिल्ला शिक्षा समन्वय एकाई डोटीका शिक्षा अधिकृत तथा विद्यालय निरीक्षक गणेश बहादुर रावलले आफूलाई विवाहका लागि निरन्तर दबाब दिएको पत्रमा खुलासा गरेकी थिन् । रावल सँगको भेटघाट भने नभएको तर सामाजिक सञ्जाल,फेसबुक मार्फत आफूसँग चिनजान गरेर फेसबुक र फोन मार्फत मानसिक तनाव दिएको पत्रमा उल्लेख गरिएको थियोे । उनले त्यो यातना सहन नसकेर आफूले मृत्यु रोजेको समेत पत्रमा खुलाएकी थिन ।
जानकीका बुवाले आँसु रोक्दै भने,
“मेरो सहास ढल्यो। मेरी छोरी पढाइमै केन्द्रित थिइन्। विद्यालय र पढाइ बाहेक उनको ध्यान अन्यत्र गएको थिएन। उनी हाम्रो परिवारको गर्व थिइन्।” उनको जागिरे जीवनले टाढा भयो मैले उनको मनको भाव बुझ्न सकेन उनले कहिल्यै त्यस्ता कुरालाई भनिन् पनि उनले सल्लाह गर्ने भनेको आफू अफिसर बन्ने र भाइबहिनीहरूलाई पनि अफिसर बनाउने कुरा गर्थिन् आज यो दिन आउँला मेरो छोरीलाई यसरी अन्जान मानिसले मृत्यु सम्म पुर्याउला कहिल्यै सोचिन् । उनकी आमा अचेत अवस्थामा छन् उनी माइग्रेसनको बिरामी औंषधीको भरमा चलेको छ मेरो श्रीमतीको जिन्दगी झन अब यो घटनाले पुरै परिवार अन्धकार भएका छौं मृतक खड्काका बुवा चक्र खड्काले भने । उनले थपे मेरो छोरीलाई जसरी मर्न बाध्य बनाएको छ कानुनले निष्पक्ष छानबिन गरेर कानुनी कार्वाही गर्नुपर्छ । आज मेरी छोरी मार्नेले भोलि पक्कै अरूहरूको छोरी मार्ने छ त्यसले उनले भावुक हुँदै भने । मेरो छोरीको अफिसर बन्ने सपना अधुरै बनायो त्यो पापिले !
जानकीसँग काम गर्ने भानुदय माविका सहकर्मी शिक्षिका भन्छिन्,
“उनी अत्यन्तै मेहनती, शान्त र मृदुभाषी थिइन्। विद्यालय र विद्यार्थीहरू नै उनको संसार थिए। पढाइबाहेक उनले अरू केही सोचिनन्।” यो विद्यालय बाहेक बाहिर समाजको अनुभव समेत गरेनन् उनले म मेरो विद्यालय अनि विद्यार्थीहरू बारम्बार सोचिरहेका छौ लामो सास फेर्दै भनिन् यो कसरी भयो जो अरूलाई जीवनको महत्त्व सिकाउथिन् ।
मृतक खड्काका पूर्व शिक्षिक,बाजुरा शिक्षा इकाई बाजुराका प्रमुख सिताराम जोशी भन्छन्
“जानकी मेरी पूर्व विद्यार्थी थिइन्। त्यस्तो लगनशील र जिम्मेवार विद्यार्थी मैले अहिलेसम्म भेटेको छैन। यस्तो घटना देख्दा मन स्तब्ध भएको छ । घटना माथि छानबिन होस् र आत्महत्या, यौनिकता र मानसिक स्वास्थ्य सम्बन्धी विषयहरू प्रत्येक विद्यालयमा पढाइ हुन जरुरी छ।” तब मात्रै यस्ता घटना घटन कम हुन्छ ।
त्यस्तै, बडिमालिका क्याम्पसका एक लेक्चरर भन्छन्,
“जानकीले मेरो छोरीलाई ट्युसन पढाउँथिन्। त्यस्तो असल र समझदार व्यक्तिले आत्महत्या गर्छ भन्ने कुरा विश्वासै गर्न सकिँदैन।” उनलाई साच्चिकै मर्न बाध्य गरेको हो भने सत्यतथ्य छानबिन गरेर कानुनी कार्वाही गर्नुपर्छ होइनन् भने कुनैपनि छोरीचेलि सुरक्षित हुदैनन् । जिल्ला प्रहरी कार्यालय डोटीका प्रवक्ता प्रहरी नायब उपरीक्षक ( डीएसपी ) दीपेन्द्र पालका अनुसार प्रहरीले गर्नुपर्ने अनुसन्धानमा कुनै कसुर हुने छैनन् ।हामी सत्यतथ्य छानबिन गरिरहेका छौ । बयान हुने कुराहरू भइरहेकाे छ एउटा प्रमाण सुसाइट नोट छदैछ अन्य प्रमाण जुटाइरहेका छौ पालले भनेका छन् ।
🗣️ समाजको प्रतिक्रिया
स्थानीय समाज र विद्यार्थीहरू समेत यो घटनाले आहत भएका छन्।
विद्यार्थीहरू सामाजिक सञ्जालमा लेखिरहेका छन् —
“जानकी म्याम हाम्रा प्रेरणा थिइन्। उहाँको मुस्कान, पढाउने शैली र माया हाम्रा मनमा सदैव रहनेछ।”
अभिभावकहरू भन्छन्, “यस्ता घटना दोहोरिन दिनु हुदैनन् फेरि अरू छोरीले यसरी अकाल्मै मृत्यु रोजन विवश हुनुहुन्न दोषी भए कानुनी रूपमा सजाय दिनुपर्छ फुलौटका एक समाजेविले भनेका छन् ।
सन्देश
जानकी खड्काको निधनले समाजलाई गहिरो सन्देश दिएको छ —
शिक्षित हुनु मात्र पर्याप्त छैन, मानसिक सन्तुलन, संवेदनशीलता र परामर्शको पहुँच पनि समान रूपमा आवश्यक छ। उनको आत्महत्याले देशभरका शिक्षक, विद्यार्थी र अभिभावकहरूलाई आत्ममन्थन गर्न बाध्य बनाएको छ।
